خوشاب (راجہ نورالہی عاطف سے)
گورنمنٹ ہائی سکول نورپورتھل کے شائننگ سٹار محمد جاوید معاویہ کو میٹرک کے امتحان میں شاندار کامیابی حاصل کرنے پر ڈسٹرکٹ لیول پر منعقدہ ایک پروقار تقریب تقسیم انعامات کے دوران ڈپٹی کمشنر خوشاب اور محکمہ تعلیم کے ضلعی افسران کی طرف سے سرٹیفکیٹ سے نوازا گیا ۔ ہیڈ ماسٹر ادارہ ہذا ملک اللہ رکھا بھی اس موقع پر موجود تھے ۔ دریا عوامی سماجی تعلیمی ادبی اور صحافتی حلقوں نے سینیئر ہیڈ ماسٹر ملک اللہ رکھا سمی ان کے پورے سٹاف کو شاندار کامیابی پر دلی مبارکباد دیتے ہوئے مزید شاندار کامیابیوں کے لیے نیک تمناؤں کا اظہار کیا ۔