مورو(رپورٹ محمد اسلم مغل)
مورو شہر میں بجلی کی بدترین ہیرا پھیری اور لوڈشیڈنگ کی وجہ سے سخت گرمی میں اسکولوں میں پڑھنے والے طلبہ کی حالت خراب ہو گئی۔راشد مورائی گورنمنٹ ہائی اسکول مورو ٹاؤن کیمپس کے ہیڈ ماسٹر راشد مسعود عباسی نے پریس کانفرنس کرتے ہوئے کہا کہ مورو کی تاریخ میں بجلی کی ایسی بدترین لوڈشیڈنگ کبھی نہیں ہوئی جیسی اس وقت ہو رہی ہے۔ سخت گرمی اور اسکولوں میں بجلی نہ ہونے کی وجہ سے راشد مورائی گورنمنٹ ہائی اسکول مورو ٹاؤن کیمپس میں شدید گرمی میں پڑھنے والے 10 طلبہ بے ہوش ہو گئے جنہیں مورو اسپتال لایا گیا جبکہ بڑی تعداد میں طلبہ گرمی کی شدت کے باعث نڈھال ہو گئے ہیں۔معصوم طلبہ کو ایسی سخت گرمی میں بجلی سے محروم رکھنا انتہائی افسوسناک عمل ہے۔ سیپکو واپڈا مورو کے انجینئر ستار چنا اور ایس ڈی او نذیر پنہور کی ملی بھگت سے شہریوں اور طلبہ کے ساتھ ایسا ظلم ہو رہا ہے۔ دونوں واپڈا کو اپنی جاگیر سمجھ کر چلا رہے ہیں اور کرپشن کے ریکارڈ توڑ دیے ہیں جس کی وجہ سے غیر قانونی ہیرا پھیری والی لوڈشیڈنگ کر کے کرپشن چھپا رہے ہیں۔مورو کی عوام سخت مشکلات میں ہے۔ کاروبار اور تعلیمی عمل متاثر ہو رہا ہے۔