بھنڈ، مدھیہ پردیش: ریاست مدھیہ پردیش کے بھنڈ ضلع میں ایک المناک حادثہ پیش آیا۔ قومی شاہراہ 719 پر ٹرک اور لوڈنگ گاڑی کے درمیان خوفناک تصادم میں آٹھ افراد ہلاک ہو گئے۔ یہ حادثہ گوہد چوراہا تھانہ علاقہ کے چھمکا گاؤں کے قریب پیش آیا۔ پولیس جائے وقوعہ پر پہنچی اور سبھی کو گوہد ہیلتھ سینٹر بھیج دیا، جہاں سے شدید زخمیوں کو گوالیار ریفر کر دیا گیا۔
لوڈنگ آٹو میں سوار تھے یوپی کے مزدور
ابتدائی معلومات کے مطابق یہ حادثہ دیر رات تقریباً 1 بجے کے آس پاس پیش آیا۔ یہاں چنور گاؤں میں دھان کی روپائی (پودے لگانے) کا کام ختم کرنے کے بعد، اتر پردیش (یوپی) کے پچھگواں، لکھیم پور کھیری اور آس پاس کے علاقوں کے مزدور ایک لوڈنگ گاڑی میں سوار ہو کر اپنے گھر واپس لوٹ رہے تھے۔ اسی دوران نیشنل ہائی وے 719 پر چھیمکا گاؤں کے سامنے سے آرہے ایک تیز رفتار ٹرک سے لوڈنگ گاڑی کی سیدھی ٹکر ہو گئی۔