راولپنڈی :فیلڈمارشل سید عاصم منیر سے ناروے کے وزیرخارجہ کی ملاقات ہوئی ہے۔
پاک فوج کے شعبہ تعلقات عامہ آئی ایس پی آر کے مطابق ناروے کے وزیر خارجہ کی جی ایچ کیو آمد ہوئی ہے،فیلڈمارشل سید عاصم منیر سے ناروے کے وزیرخارجہ نے ملاقات کی،ملاقات میں باہمی دلچسپی ، علاقائی سکیورٹی اور دو طرفہ تعلقات پر تبادلہ خیال کیا گیا۔
آئی ایس پی آر کے مطابق فیلڈ مارشل نے عالمی امن اور علاقائی استحکام پر پاکستان کا موقف اجاگر کیا،اس کے علاوہ سکیورٹی چیلنجزسے نمٹنے کیلئے تعاون اور مشترکہ کوششوں کی ضرورت پر زوردیا۔آئی ایس پی آر کے مطابق ناروے کے وزیرخارجہ نے علاقائی امن و استحکام کیلئے پاک فوج کے کردار کی تعریف کی۔پاکستان اور ناروے نے دفاعی و سکیورٹی شعبوں سمیت باہمی تعاون بڑھانے کا عزم کیا۔
