میرے بیٹے قاتل نہیں،شفاف تحقیقات کی جائے:دکھی ماں کی پریس کانفرنس

میاں چنوں !بینقاب نیوز رپورٹر عاصم کمال 

 تھانہ صدر کی حدود میں سکیورٹی گارڈ شوکت علی کے قتل کے مقدمہ میں گرفتار اپنے دو بیٹوں کی بے گناہی کا دعویٰ کرتے ہوئے گلاں بی بی سکنہ 109 پندرہ ایل نے پریس کانفرنس کرتے ہوئے اعلیٰ حکام سے انصاف اور بیٹوں کی رہائی کی اپیل کی ہے۔
گلاں بی بی نے پریس کانفرنس میں مؤقف اختیار کیا کہ پولیس تھانہ صدر نے شوکت علی سکیورٹی گارڈ قتل کیس میں اس کے بیٹوں اظہر علی اور علی اکبر کو گرفتار کیا ہے، جبکہ دونوں بے گناہ ہیں۔ انہوں نے کہا کہ اس کے دونوں بیٹے مزدوری کرکے اپنے خاندان کا پیٹ پالتے ہیں اور وہ انتہائی غربت کی زندگی گزار رہے ہیں۔ بیٹوں کی گرفتاری سے خاندان شدید پریشانی میں مبتلا ہے۔
گلاں بی بی نے اعلیٰ پولیس حکام سے مطالبہ کیا کہ معاملے کی شفاف تحقیقات کرائی جائیں اور اگر اس کے بیٹے بے گناہ ہیں تو انہیں فوری طور پر رہا کیا جائے۔
دوسری جانب معاملے پر ڈی ایس پی محمود اکبر اور ایس ایچ او تھانہ صدر عادل کھچی سے رابطہ کیا گیا تو انہوں نے بتایا کہ شوکت علی سکیورٹی گارڈ قتل کیس میں مرکزی ملزم مظہر حسین کو گرفتار کرلیا گیا ہے جبکہ مقدمہ کی مزید تفتیش اور قانونی کارروائی جاری ہے۔