بلوچستان رحمت اللہ بلوچ بیوروچیف بے نقاب نیوز)
مچھ بولان قومی شاہراہ پر مسافر ویگن حادثے کا شکار، 7 افراد زخمی
بولان قومی شاہراہ پر مچھ کے قریب سبی سے آنے والی مسافر ویگن حادثے کا شکار ہوگئی، جس کے نتیجے میں 7 افراد شدید زخمی ہوگئے۔حادثے کے بعد 2 زخمیوں کو سول ہسپتال مچھ منتقل کیا گیا، جہاں ایم ایس ڈاکٹر مشتاق احمد داجلی اور دیگر ڈاکٹرز و پیرا میڈیکل اسٹاف نے انہیں فوری طبی امداد فراہم کی۔زخمیوں میں محمد مزمل ولد محمد اعظم اور محمد یاسین ولد نور الحق خان، ساکنان سبی شامل ہیں۔ دونوں زخمیوں کو ابتدائی طبی امداد کے بعد مزید علاج کے لیے کوئٹہ منتقل کردیا گیا، جبکہ دیگر 5 زخمیوں کو بھی موقع سے کوئٹہ لے جایا گیا۔