پاکپتن(رپورٹ:اکرام حسین شاہ)
لاہور کے علاقے چونگی امرسدھو میں مبینہ پولیس حراست کے دوران جاں بحق ہونے والی دو نوجوان خواتین کی میتیں پولیس کی نگرانی میں ان کے آبائی گائوں بستی غوث نگر پہنچا دی گئیں۔ لواحقین کے مطابق جاں بحق ہونے والی 18 سالہ آمنہ اور 20 سالہ انمول بی بی لاہور کے علاقے چونگی امرسدھو میں رہائش پذیر تھیں اور گھوم پھر کر پنسلیں فروخت کر کے گزر بسر کرتی تھیں۔ انمول ایک شیر خوار بچی جبکہ آمنہ ایک بچے کی ماں تھی۔ اہل خانہ کا کہنا ہے کہ ٹان شپ پولیس نے 4 اگست کو دونوں خواتین کو مبینہ چوری کے الزام میں حراست میں لیا، جبکہ اگلے روز 5 اگست کو دونوں تھانے میں مردہ حالت میں پائی گئیں۔ لواحقین نے واقعے کی شفاف تحقیقات اور ذمہ داروں کے خلاف کارروائی کا مطالبہ کرتے ہوئے وزیر اعلی پنجاب سے انصاف کی اپیل کی ہے