بلوچستان رحمت اللہ بلوچ بیوروچیف بے نقاب نیوز)
بابر یوسفزئی معاون خصوصی محکمہ داخلہ بلوچستان کے مطابق آپریشن رَدُّ الفتنہ 3 کے تحت سیکیورٹی فورسز نے مستونگ کے علاقوں کمبیلہ اور عاصم آباد میں کامیاب سرچ اینڈ سینیٹائزیشن آپریشن کرتے ہوئے 68 مربع کلومیٹر علاقے کو کلیئر کر دیا۔کارروائی کے دوران 8 سے 10 دہشت گرد ہلاک ہوئے، جن میں 2 لاشیں برآمد کی گئیں، جبکہ 3 سے 4 دہشت گرد زخمی ہوئے، جن میں دہشت گرد کمانڈر شوکت ماما بھی شامل ہے۔ علاوہ ازیں 12 مشتبہ افراد کو حراست میں لیا گیا۔آپریشن کے دوران دہشت گردوں کی ممکنہ پناہ گاہیں ختم کی گئیں، فتنہ الہندوستان کے جھنڈے ہٹائے گئے، جبکہ سیکیورٹی فورسز نے واضح کیا ہے کہ آپریشن رَدُّ الفتنہ 3 دہشت گردی کے مکمل خاتمے تک پوری قوت کے ساتھ جاری رہے گا۔