دیر بالا(بیورو چیف ریاضابوالخیل)
ڈسٹرکٹ پولیس آفیسر دیر بالا اسلم نواز () کی خصوصی ہدایت پر شگی موڑ میں امن پاسون کا انعقاد کیا گیا، جس میں ایس ایچ او تھانہ واڑی تاج محمد خان، گرینڈ جرگہ کے مشران اور علاقہ کے معززین نے شرکت کی۔شرکاء نے قیام امن کے لیے پولیس کے ساتھ ہر ممکن تعاون اور ہر قسم کی قربانی دینے کے عزم کا اعادہ کرتے ہوئے کہا کہ شرپسند عناصر علاقے کے امن، سکون اور خوشحالی کو سبوتاژ کرنا چاہتے ہیں، تاہم عوام متحد ہو کر اپنے قانون نافذ کرنے والے اداروں کے شانہ بشانہ کھڑے رہیں گے۔ انہوں نے اس عزم کا اظہار کیا کہ اپنی جنت نظیر سرزمین کے امن و استحکام اور حفاظت کے لیے ہر ممکن کردار ادا کیا جائے گا۔