پسرورمحمد اشفاق
چونڈہ: جموں و کشمیر قانون ساز اسمبلی کے حلقہ ایل اے 35 جموں 2 کے پولنگ اسٹیشن ڈی سی ہائی سکول چونڈہ (مردانہ و زنانہ) میں پولنگ کا عمل انتہائی سست روی کا شکار ہے۔رپورٹ کے مطابق دوپہر 12:30 بجے تک دونوں پولنگ اسٹیشنوں پر مجموعی طور پر صرف 50 ووٹ ہی کاسٹ کیے جا سکے ہیں، جس کے باعث پولنگ اسٹیشنوں پر غیر معمولی خاموشی اور ووٹرز کی کم آمد دیکھنے میں آ رہی ہے۔
مقامی حلقوں کے مطابق ووٹنگ کی کم شرح کی ایک وجہ پاکستان تحریکِ انصاف (پی ٹی آئی) کی جانب سے الیکشن کے بائیکاٹ کی اپیل کو بھی قرار دیا جا رہا ہے، تاہم ووٹرز کی کم تعداد کی وجوہات کے بارے میں کوئی باضابطہ سرکاری مؤقف سامنے نہیں آیا۔
پولنگ کا عمل مقررہ وقت تک جاری رہے گا جبکہ الیکشن عملہ اپنی ذمہ داریاں انجام دے رہا ہے۔