منچن آباد(حاجی فضل محمود انجم سے)
تحصیل ہیڈکوارٹرزہسپتال منچن آباد میں آج ایک معصوم سا بچہ اپنی جان کی بازی ہار گیا۔والدین نے مبینہ طور پر ڈاکٹرز پر غفلت برتنے اور غلط انجکشن لگانے کا الزام لگایاہے۔ شہریوں کا کہناتھاکہ اگر یہ درست ہے تو آخر کب تک یہ سب کچھ ہوتا رہیگا اور لوگوں کے پیارے ان سے بچھڑتے رہیں گے۔؟وہ جگہ جہاں لوگ اپنی جانوں کو بچانے اور تکلیف سے نجات کیلئے جاتے ہوں لیکن وہاں سے اپنے پیاروں کی لاشیں لیکر واپس آتے ہوں، انکے بارے میں آپ کے جذبات کیا ہونگے۔؟ اے ارباب بست و کشاد! ۔۔۔۔یقینا” آپ بھی بچوں والے ہونگے۔ حالات آپ سب کے سامنے ہیں۔کیا اسے بھی تقدیر کا فیصلہ اور رب کی مرضی سمجھ کر اگنور کر دیا جائیگا۔؟ نہیں نہیں۔بالکل نہیں۔ایک سخت اور پراپر انویسٹی گیشن کے بعد ایک گرینڈ آپریشن درکار ہے جس میں جو بھی شخص ملوث ہو اسے کٹہرے میں لایا جانا چاہیئے تاکہ مستقبل میں ایسا سانحہ نہ ہو۔