الجزائر کی تاریخ میں پہلی بار خاتون پارلیمنٹ اسپیکر منتخب: ڈاکٹر خالدہ بوفیدیش ایوانِ زیریں کی سربراہ بن گئیں،

الجزائر:شمالی افریقی ملک الجزائر کی سیاسی تاریخ میں ایک اہم اور تاریخی سنگ میل عبور کر لیا گیا ہے، جہاں پہلی بار کسی خاتون کو پارلیمنٹ کا اسپیکر منتخب کیا گیا ہے۔
ملک کی تاریخی اور حکمراں جماعت نیشنل لبریشن فرنٹ (FLN) سے تعلق رکھنے والی 44 سالہ ڈاکٹر خالدہ بوفیدیش کو ملک کے ایوانِ زیریں (لوئر ہاؤس) کی قیادت کے لیے منتخب کر لیا گیا ہے۔ اس منصب پر فائز ہونے کے بعد وہ اب سرکاری طور پر ملک کی چوتھی سب سے بڑی اعلیٰ ترین شخصیت بن گئی ہیں۔
سیاسی اعتبار سے یہ ایک بہت بڑا اور خوش آئند قدم ہے، تاہم اس کے ساتھ ساتھ ملکی زمینی حقائق کا دوسرا رخ یہ بھی ہے کہ اس وقت بھی پارلیمنٹ میں خواتین کی کل نشستوں کا تناسب محض 6 فیصد تک محدود ہے۔