بلوچستان رحمت اللہ بلوچ بیوروچیف بے نقاب نیوز )
کوئٹہ کے نواحی علاقے نواں کلی مین روڈ پر نامعلوم خواتین کے ایک گروہ نے مریضہ بن کر ایک خاتون ڈاکٹر کو لوٹنے کی ناکام کوشش کی۔ اس موقع پر بہادر ڈاکٹر نے حکمت عملی سے کام لیتے ہوئے ایک ملزمہ کو دبوچ کر پولیس کے حوالے کر دیا، جبکہ اس کی دو ساتھی فرار ہونے میں کامیاب ہو گئیں۔ لیڈی ڈاکٹر زبیدہ خان اپنے کلینک میں موجود تھیں کہ اسی دوران چند خواتین مریضہ کے بہانے اندر داخل ہوئیں۔ ذرائع کے مطابق ان میں سے ایک خاتون نے اچانک پستول نکال کر ڈاکٹر سے بیگ، موبائل فون اور نقدی حوالے کرنے کا مطالبہ کیا۔اس موقع پر ڈاکٹر زبیدہ خان نے غیر معمولی بہادری کا مظاہرہ کرتے ہوئے اپنا بیگ حملہ آور کے پستول پر دے مارا اور زور زور سے شور مچا دیا۔ آواز سن کر کلینک میں موجود دیگر افراد بھی موقع پر پہنچ گئے اور ایک ملزمہ کو قابو کر لیا، جبکہ اس کی دو ساتھی فرار ہو گئیں۔ واقعے کی اطلاع ملتے ہی پولیس جائے وقوعہ پر پہنچ گئی، تاہم لیڈی پولیس اہلکار کی عدم موجودگی کے باعث گرفتار خاتون کو تحویل میں لینے کے لیے کچھ دیر انتظار کرنا پڑا۔