بہاولنگر(عزیز اللّٰہ ساقی)
پنجاب ہائی وے پٹرول () ریجن بہاول پور، ڈسٹرکٹ بہاول نگر کی پٹرولنگ پوسٹ اڈا پل گجیانی نے کامیاب کارروائی کرتے ہوئے (بی) کیٹیگری کے ایک اشتہاری ملزم کو گرفتار کر لیا۔تفصیلات کے مطابق ہیڈ کانسٹیبل وحید مراد (نمبر 11649) اپنی ٹیم کے ہمراہ معمول کی گشت اور ای-پولیسنگ () کے دوران تہرواں میل کے مقام پر موجود تھے۔ دورانِ چیکنگ ایک مشکوک شخص محمد ندیم ولد محمد اسماعیل، سکنہ تھانہ ڈونگہ بونگہ، ضلع بہاول نگر کو روکا گیا۔ شناختی کارڈ کی جانچ پڑتال پر معلوم ہوا کہ مذکورہ شخص مقدمہ نمبر 1491/26 میں (بی) کیٹیگری کا اشتہاری ملزم (Proclaimed Offender) ہے اور پولیس کو مطلوب تھا۔ پٹرولنگ پولیس نے فوری کارروائی کرتے ہوئے ملزم کو حراست میں لے لیا اور قانونی کارروائی مکمل کرنے کے بعد رپورٹ نمبر 05 مورخہ 20-07-2026 کے تحت تھانہ ڈونگہ بونگہ کے محرر کے حوالے کر دیا، جہاں اس کے خلاف مزید قانونی کارروائی جاری ہے۔ڈسٹرکٹ آفیسر پنجاب ہائی وے پٹرول بہاول نگر سرفراز حسین تارڑ نے پٹرولنگ ٹیم کی پیشہ ورانہ کارکردگی کو سراہتے ہوئے کہا کہ اشتہاری ملزمان کے خلاف کارروائیاں بلاامتیاز جاری رہیں گی تاکہ شہریوں کے جان و مال کا تحفظ یقینی بنایا جا سکے اور جرائم پیشہ عناصر کو قانون کے کٹہرے میں لایا جا سکے۔