سانگھڑ:بیوروچیف بے نقاب نیوز
پیرومل تھانے کی حدود میں کنڈیاری شہر کے کھڈ محلے میں رات گیۓ بخت علی چانڈیو کے گھر پر مسلح افراد نے حملہ کر کے فائرنگ کر دی، جس کے نتیجے میں ایک خاتون خوشبو جاں بحق جبکہ بخت علی چانڈیو اور ان کی اہلیہ زخمی ہو گئے۔ زخمیوں میں سے ایک کی حالت تشویشناک بتائی جا رہی ہے۔بخت علی چانڈیو نے میڈیا سے گفتگو کرتے ہوئے الزام عائد کیا کہ ان کی برادری سے تعلق رکھنے والے مسلح افراد نے رات کی تاریکی میں ان کے گھر پر حملہ کیا اور اندھا دھند فائرنگ کی۔ واقعے کے بعد علاقے میں خوف و ہراس پھیل گیا۔ اطلاع ملتے ہی کنڈیاری پولیس موقع پر پہنچ گئی اور جاں بحق خاتون کی لاش اور زخمیوں کو کنڈیاری اسپتال منتقل کر کے واقعے کی تحقیقات شروع کر دیں۔