ہندوستان کی پہلی ہائیڈروجن ٹرین پٹری پر دوڑ پڑی

اس موقع پر وزیر اعظم مودی نے کہا کہ ’’آج جیند اور ہریانہ کا نام تاریخ کے صفحات میں درج ہو گیا ہے۔ آج یہاں ملک کو پہلی ہائیڈروجن ٹرین ملی ہے۔ ہندوستان میں پہلی ٹرین بمبئی سے تھانے کے درمیان چلی تھی، اسی طرح مستقبل میں جب بھی ہائیڈروجن ٹرین کا ذکر آئے گا تو جیند، سونی پت اور ہریانہ کا نام ضرور آئے گا۔‘‘ پی ایم مودی نے مزید کہا کہ ہندوستان کی یہ ٹرین دنیا کی سب سے زیادہ طاقتور اور سب سے لمبی ہے۔ یہ ٹرین 3200 ہارس پاور کی طاقت رکھتی ہے اور اس میں 10 کوچ ہیں، جبکہ دیگر ممالک میں چلنے والی ٹرینوں میں محض 4-3 کوچ ہوتے ہیں۔