نواب شاہ (نمائندہ بے نقاب: نفیس آرائیں)
قاضی احمد روڈ سکرنڈ پر ٹریفک حادثے کے نتیجے میں ایک گاڑی الٹ گئی، جس کے باعث ایک شخص گاڑی کے نیچے دب کر جاں بحق ہوگیا۔اطلاع ملتے ہی ڈسٹرکٹ انچارج ریسکیو 1122 شہید بینظیرآباد ذیشان مہدی کی ہدایت پر ریسکیو ٹیم فوری طور پر جائے وقوعہ پر پہنچ گئی۔ گاڑی کا وزن زیادہ ہونے کے باعث کرین طلب کی گئی، جس کی مدد سے لاش کو کامیابی سے گاڑی کے نیچے سے نکال کر ضروری قانونی کارروائی کے لیے ریسکیو 1122کی ایمبولینس کے ذریعے متعلقہ حکام کے حوالے کر دیا گیا۔
ریسکیو اہلکاروں نے آپریشن مکمل کرنے کے بعد جائے وقوعہ کو محفوظ قرار دیتے ہوئے ٹریفک کی روانی بھی بحال کر دی۔