بدنامی سے تنگ آکر اسرائیلی وزیراعظم نتن یاہو کے بیٹے نے نام تبدیل کرلیا،نیا نام کیا ہے؟

تل ابیب:اسرائیلی وزیراعظم بنجمن نیتن یاہو کے سب سے بڑے صاحبزادے یائر نیتن یاہو نے باضابطہ طور پر اپنا نام تبدیل کر لیا ہے۔ اسرائیلی اخبار ’ہاریٹز‘ (Haaretz) کی ایک رپورٹ کے مطابق، یائر نیتن یاہو نے اب قانونی طور پر اپنا نام تبدیل کر کے ‘یوناتن ہان’ (Yonatan Han) رکھ لیا ہے۔
رپورٹ میں بتایا گیا ہے کہ یائر نیتن یاہو نے اپنے قریبی حلقوں اور سرکاری دستاویزات میں اپنی شناخت تبدیل کرنے کے لیے یہ قدم اٹھایا ہے۔ تاہم، نام کی تبدیلی کی وجوہات کے بارے میں تاحال کوئی باضابطہ بیان سامنے نہیں آیا ہے اور نہ ہی نیتن یاہو کے خاندانی ذرائع کی جانب سے اس پر کوئی تبصرہ کیا گیا ہے۔
یائر نیتن یاہو، جو اکثر اپنے متنازعہ بیانات اور سوشل میڈیا پر سرگرمیوں کی وجہ سے خبروں میں رہتے ہیں، کا یہ فیصلہ اسرائیل کی سیاسی اور سماجی حلقوں میں موضوعِ بحث بنا ہوا ہے۔ مبصرین اسے ان کی ذاتی زندگی میں ایک بڑی تبدیلی کے طور پر دیکھ رہے ہیں۔
اس خبر کے سامنے آنے کے بعد سے سوشل میڈیا پر اس پر مختلف قیاس آرائیاں کی جا رہی ہیں، لیکن تاحال وزیراعظم ہاؤس کی جانب سے اس تبدیلی کی تصدیق یا تردید کے حوالے سے خاموشی برقرار ہے۔