شیخوپورہ( رپورٹ اسامہ طفیل )
گولیاں لگنے سے بیٹاجاں بحق بہو اور ملزم باپ زخمی ہسپتال منتقل تفصیلات کے مطابق مہنگی بجلی اور زیادہ یونٹس آنے پر باپ نے بیٹے کو اے سی چلانے سے منع کیا، بات بڑھنے پر فائرنگ کرکے بیٹے کو قتل کر دیا، جبکہ ملزم اور بہو بھی زخمی ہوگئے۔ دوسرے واقعے میں مبینہ ڈاکوؤں کی فائرنگ سے نوجوان زخمی ہوگیا۔تھانہ کوٹ عبدالمالک کے علاقے گلفشاں ٹاؤن میں قیصر خان نے اپنے بیٹے شیروز کو کمرے میں اے سی چلانے سے منع کیا۔ گرمی کی شدت کے باعث اے سی بند نہ کرنے پر باپ بیٹے میں جھگڑا ہوگیا، جس پر مشتعل قیصر خان نے اندھا دھند فائرنگ کردی۔ گولیاں لگنے سے شیروز موقع پر ہی جاں بحق ہوگیا، جبکہ اس کی بیوی گلناز اور ملزم قیصر خان بھی زخمی ہوگئے۔ اطلاع ملنے پر ریسکیو 1122 کی ٹیموں نے زخمیوں کو طبی امداد کے بعد فیروزوالا اسپتال منتقل کردیا۔ پولیس نے موقع پر پہنچ کر کارروائی شروع کردی