چکوال: رپورٹ: جلیل نقوی
چکوال: محکمہ ایکسائز، ٹیکسیشن و نارکاٹکس کنٹرول نے حکومت پنجاب کی ہدایات پر بڑی کارروائی کرتے ہوئے ای ٹی او ضلع چکوال چوہدری ذوالفقار عباس کی نگرانی میں کرسچن کالونی چکوال میں کامیاب چھاپہ مارا۔ کارروائی کے دوران انسپکٹرز راجہ سرفراز، شاہ رخ خان، کامران بلوچ، حسیب احسن، الفت حسین، ارتضیٰ الرحمن اور کانسٹیبل عبدالوہاب نے مخبرِ خاص کی اطلاع پر ملزمان زونی صادق ولد صادق اور قاسم پرویز ولد پرویز پالوس کو موقع سے گرفتار کر لیا۔ ملزمان کے قبضے سے سینکڑوں بوتلیں جعلی شراب، مری بریوری کے جعلی اسٹیکرز، خالی بوتلیں، جعلی شراب کی تیاری میں استعمال ہونے والے کیمیکلز سے بھرے پلاسٹک کین اور دیگر آلات برآمد کر لیے گئے۔ گرفتار ملزمان کے خلاف تھانہ سٹی چکوال میں مقدمہ درج کر لیا گیا ہے، جبکہ واقعہ کے حوالے سے مزید تفتیش جاری ہے۔