ایک طبی اہلکار اور مقامی میڈیا نے بتایا کہ سری لنکا کی ایک جیل میں جھڑپوں میں کم از کم 19 افراد ہلاک اور 100 سے زائد زخمی ہو گئے ہیں۔مقامی میڈیا رپورٹس اور پولیس کے مطابق اتوار کو دارالحکومت کولمبو کے شمال میں تقریباً 35 کلومیٹر (22 میل) دور نیگومبو کی جیل میں تشدد پھوٹ پڑا اور پیر کو بھی جاری رہا۔ہسپتال کی ڈائریکٹر پشپا گملاتھ نے پیر کو خبر رساں ایجنسی اے ایف پی کو بتایا کہ نیگومبو ہسپتال کو جیل کے چارمحافظوں اور 15 قیدیوں کی لاشیں موصول ہوئیں۔انہوں نے کہا کہ 100 سے زائد زخمی قیدی بھی داخل ہیں۔مقامی ٹیلی ویژن سٹیشن ہیرو نے اطلاع دی ہے کہ لڑائی میں کم از کم 20 افراد مارے گئے۔پولیس ترجمان چندنا ہیراتھ نے مزید تفصیلات بتائے بغیر جیل میں تصادم اور ہلاکتوں کی تصدیق کی۔جھڑپوں کی وجہ فوری طور پر واضح نہیں ہو سکی۔