لاہور: پنجاب اسمبلی کے سپیکر ملک محمد احمد خان سے سینیئر صوبائی وزیر مریم اورنگزیب نے ملاقات کی۔ اس موقع پر مریم اورنگزیب نے وزیراعلیٰ پنجاب مریم نواز شریف کی جانب سے بجٹ سیشن کو احسن انداز میں چلانے پر سپیکر کا شکریہ ادا کیا۔
سپیکر ملک محمد احمد خان نے پنجاب میں ترقیاتی منصوبوں کی منظوری پر وزیراعلیٰ کا شکریہ ادا کرتے ہوئے کہا کہ "ستھرا پنجاب، اپنی چھت اپنا گھر، اور تعلیم و صحت سمیت دیگر شعبوں میں ترقی وزیراعلیٰ کی انتھک محنت کا منہ بولتا ثبوت ہے۔” انہوں نے مزید کہا کہ پنجاب بھر میں میٹرو اور الیکٹرک بسوں کی توسیع کا منصوبہ عوام کی خدمت کے لیے ایک بہترین قدم ہے۔ سپیکر نے اس بات پر زور دیا کہ وزیراعلیٰ مریم نواز شریف نے سیاسی وابستگیوں سے بالاتر ہو کر ہر حلقے میں ترقیاتی کام کروا کر ایک نئی اور مثبت جمہوری روایت قائم کی ہے۔
دوسری جانب سینیئر صوبائی وزیر مریم اورنگزیب نے پارلیمان، جمہوریت اور پارٹی کے لیے سپیکر ملک محمد احمد خان کی خدمات کو سراہا۔