رپورٹ مجیب کھوسو
جیکب آباد کے صدر تھانے کی حدود بولان محلہ میں رشتہ داری کے تنازع پر مستوئی برادری کے دو گروپوں میں ہونے والے جھگڑے کے نتیجے میں ایک شخص جاں بحق جبکہ ایک زخمی ہوگیا۔ واقعے کے بعد علاقے میں کشیدگی پھیل گئی۔تفصیلات کے مطابق بولان محلہ میں مستوئی برادری کے دو فریقوں کے درمیان رشتہ داری کے تنازع پر جھگڑا ہوگیا، جس کے نتیجے میں احسان مستوئی اور شعبان مستوئی زخمی ہوگئے۔ دونوں زخمیوں کو فوری طور پر علاج کے لیے اسپتال منتقل کیا گیا۔متاثرہ فریق کے مطابق دین محمد، ندیم، اکبر گل مستوئی اور دیگر افراد نے حملہ کرکے انہیں زخمی کیا۔ اسپتال میں دورانِ علاج زخمی احسان مستوئی زخموں کی تاب نہ لاتے ہوئے دم توڑ گئے، جبکہ شعبان مستوئی کا علاج جاری ہے۔واقعے کی اطلاع ملتے ہی پولیس موقع پر پہنچ گئی اور تحقیقات شروع کردی ہیں۔ آخری اطلاعات تک مقدمے کے اندراج اور نامزد ملزمان کی گرفتاری کے حوالے سے کوئی سرکاری موقف سامنے نہیں آسکا۔