خانیوال (خصوصی رپورٹ)
حلقہ پی پی 206 میں مسلم لیگ (ن) کے لیے دن رات ایک کرنے والے مخلص اور سینئر رہنما، معروف آئی سپیشلسٹ ڈاکٹر ناصر کیانی کے ساتھ ن لیگ کی مقامی قیادت کا ناروا سلوک سامنے آ گیا۔ گزشتہ تین سالوں سے حلقہ پی پی 206 میں مسلم لیگ (ن) کے صدر کی حیثیت سے خدمات سرانجام دینے والے ڈاکٹر ناصر کیانی کو صدارت کے عہدے سے ہٹانے کی تیاریاں عروج پر پہنچ چکی ہیں۔ذرائع کے مطابق ڈاکٹر ناصر کیانی وہ مخلص رہنما ہیں جنہوں نے حلقے میں پارٹی کو زندہ رکھنے کے لیے ہر تنظیمی پروگرام کیے۔ مسلم لیگ (ن) کی مقامی قیادت، بالخصوص ایم این اے محمد خان ڈاہا اور ایم پی اے چوہدری اسامہ فضل کی جانب سے ڈاکٹر ناصر کیانی کی ان بے لوث خدمات اور قربانیوں کا یہ "انعام” دیا جا رہا ہے کہ انہیں عہدے سے فارغ کیا جا رہا ہے۔ورکرز میں شدید تشویش اور غم و غصہ:
مقامی سیاسی حلقوں اور مسلم لیگ (ن) کے دیرینہ کارکنان میں اس فیصلے پر شدید تشویش اور غم و غصہ پایا جا رہا ہے۔ کارکنان کا کہنا ہے کہ جو لوگ پارٹی کے لیے اپنا تن من دھن قربان کرتے ہیں، انہیں دیوار سے لگا کر پارٹی کو کمزور کیا جا رہا ہے۔ کیا ایم این اے محمد خان ڈاہا اور ایم پی اے چوہدری اسامہ فضل کا یہ فیصلہ حلقے میں ن لیگ کے سیاسی مستقبل کے لیے سودمند ثابت ہوگا؟ یہ ایک بڑا سوالیہ نشان بن چکا ہے!