جنوبی افریقہ نے بھارت کو چھ وکٹوں سے شکست دے دی، ماریزان کیپ کی شاندار نصف سنچری اننگز

مانچسٹر :خواتین کے T20 ورلڈ کپ 2026 میں ہندوستان کو جنوبی افریقہ کے ہاتھوں پہلی شکست کا سامنا کرنا پڑا۔
اتوار کو اولڈ ٹریفورڈ میں گروپ اے کے ایک سنسنی خیز میچ میں جنوبی افریقہ نے 19.1 اوورز میں 159 رنز کے ہدف کا تعاقب کیا۔ ماریزان کیپ نے خواتین کے T20 ورلڈ کپ کی تاریخ کی بہترین اننگز کھیلی۔ انہوں نے 45 گیندوں پر ناقابل شکست 81 رنز بنائے جس میں سات چوکے اور چار چھکے شامل تھے۔ انہوں نے تزمین برٹس کے ساتھ 97 رنز کی اہم شراکت داری بھی کی، جنہوں نے 40 رنز بنائے۔
159 رنز کے تعاقب میں، پاور پلے میں سست آغاز کی وجہ سے جنوبی افریقہ کی اننگز ڈگمگاتی ہوئی دکھائی دی، وہ صرف 25 رنز بنا سکی۔ تاہم ماریزان کی شاندار کارکردگی نے میچ کا رخ ہی بدل دیا۔ انہوں نے ہر طرح کے شاٹس کھیلے، ہندوستانی گیند بازوں کو سنبھلنے سے روکے رکھا اور اپنے اردگرد وکٹیں گرنے کے باوجود ٹیم کو فتح کے لیے دوڑ میں بنائے رکھا۔ بھارت کی شکست خراب فیلڈنگ کے ساتھ ساتھ کم اسکور کی وجہ سے ہوئی۔ رادھا یادو نے ماریزان کو دو زندگیاں دیں۔ سری چرانی سب سے کامیاب بولر رہیں جنہوں نے اپنے 4 اوورز میں ایک میڈن کے ساتھ 24 دیے۔ اس طرح 3/24 کا فیگر حاصل کیا۔اس سے قبل بھارت نے ٹاس جیت کر پہلے بیٹنگ کرتے ہوئے 159 رنز کا ہدف دیا۔ شیفالی ورما کے 15 گیندوں پر 31 اور دیپتی شرما کے 21 گیندوں پر 29 رنز کے علاوہ کوئی اور بلے باز زیادہ کچھ نہ کر سکا۔ نتیجتاً بھارتی ٹیم 20 اوورز میں 7 وکٹوں کے نقصان پر 158 رنز ہی بنا سکی۔ جنوبی افریقی باؤلرز نے بھی شاندار کارکردگی کا مظاہرہ کیا، ماریزان کیپ اور شبنم اسماعیل نے 2،2 وکٹیں حاصل کیں۔ ماریزان کیپ کو ان کی بہترین آل راؤنڈ کارکردگی پر پلیئر آف دی میچ کا ایوارڈ دیا گیا۔ ہندوستان اب ٹورنامنٹ میں اپنا اگلا میچ 25 جون کو بنگلہ دیش کے خلاف کھیلے گا۔
جنوبی افریقہ نے بھارت کا 159 رنز کا ہدف 19.1 اوور میں صرف چار وکٹوں کے نقصان پر حاصل کر لیا۔ ماریزان کیپ نے 45 گیندوں پر 81 رنز کی ناقابل شکست اننگز کھیل کر جنوبی افریقہ کو بھارت کے خلاف چھ وکٹوں سے فتح دلائی۔ کیپ نے سات چوکے اور چار چھکے بھی لگائے۔ اس جیت کے ساتھ ہی جنوبی افریقہ نے ‘گروپ آف ڈیتھ’ میں اپنی امیدیں زندہ رکھی اور ہندوستان کو ٹورنامنٹ کی پہلی شکست کا سامنا کرنا پڑا۔