قاضی احمد رپورٹ سائين بخش لاکھو
قاضی احمد تھانے کی حدود میں چھنڈن شاخ کے قریب قومی شاہراہ پر مبینہ ڈکیتی کی واردات پیش آئی، جہاں نامعلوم ڈاکو مورو کے رہائشی نوجوان جنید علی جونیجو سے سی ڈی موٹر سائیکل 2025 چھین کر فرار ہو گئے۔متاثرہ نوجوان جنید علی ولد اشفاق جونیجو، رہائشی درس روڈ ولی آباد کالونی مورو، نے قاضی احمد تھانے کے سامنے صحافیوں سے گفتگو کرتے ہوئے بتایا کہ وہ سکرنڈ سے واپس مورو جا رہا تھا کہ چھنڈن شاخ کے قریب اس کی موٹر سائیکل کا پیٹرول ختم ہو گیا۔ اسی دوران موٹر سائیکل پر سوار دو نامعلوم مسلح افراد نے اس سے سی ڈی موٹر سائیکل 2025 چھیننے کی کوشش کی۔جنید علی جونیجو کے مطابق جب اس نے مزاحمت کی تو ملزمان نے اسے تشدد کا نشانہ بنایا اور اس کی موٹر سائیکل چھین کر فرار ہو گئے۔ انہوں نے بتایا کہ واقعے کی رپورٹ قاضی احمد تھانے میں درج کرا دی گئی ہے۔متاثرہ نوجوان نے ایس ایس پی شہید بینظیر آباد اور ایس ایچ او قاضی احمد سے مطالبہ کیا ہے کہ واردات میں ملوث ملزمان کو فوری گرفتار کرکے اس کی چھینی گئی موٹر سائیکل برآمد کر کے واپس دلائی جائے۔