مورو (رپورٹ: محمد اسلم مغل)
مورو میں محرم الحرام کے مقدس مہینے کے سلسلے میں کربلا کے شہداء کی یاد میں مورو فلاحی کمیٹی کے چیئرمین عبدالحفیظ عباسی اور ان کے ساتھیوں نے مرکزی امام بارگاہ حسینی میں خصوصی دعا کی دعا کے بعد عبدالحفیظ عباسی، امیر پیرزادو اور دیگر کی قیادت میں کربلا کے شہداء کے شان میں لکھے گئے قصیدے، مرثیے اور اقوال پر مشتمل بڑے پینا فلیکس اور بینرز شہر کے مختلف علاقوں میں نصب کیے گئے۔پینا فلیکس ماتمی جلوسوں کے روٹس، چوکوں، چوراہوں، مین روڈ، شاہی بازار، دادو روڈ، شہید چوک، امام بارگاہ، درگاہ سخی ابراہیم شاہ، درگاہ حضوری پیر، درگاہ پیارو سائیں فقیر، درگاہ پیر بخاری، میجر چوک اور حسینی چوک سمیت دیگر اہم مقامات پر لگائے گئے ہیں۔مورو فلاحی کمیٹی کے چیئرمین عبدالحفیظ عباسی نے میڈیا سے بات کرتے ہوئے کہا کہ "ہم ہر سال محرم الحرام میں یہ پینا فلیکس اور بینرز لگاتے ہیں۔ یہ سلسلہ کئی سالوں سے جاری ہے۔ یہ کام ہم اپنی مدد آپ کے تحت، کربلا کے شہداء کی یاد، عقیدت اور اپنی ڈیوٹی سمجھ کر کرتے ہیں، جو تاحیات جاری رہے گا