سیالکوٹ (سلیم احمد اعوان شیخو)
سیالکوٹ کی تحصیل سمبڑیال کے علاقہ کوٹ بھگت میں معمولی تنازع جان لیوا بن گیا،چھوٹے بھائی نے بڑے بھائی کو ق ت ل کر دیا۔بتایا گیا ہے کہ تحصیل سمبڑیال کے علاقہ کوٹ بھگت نواحی علاقے کوٹ بھگت میں دو بھائیوں کے درمیان معمولی بات پر ہونے والا جھگڑا خونریز واقعہ میں تبدیل ہو گیا۔ پولیس کے مطابق 27 سالہ غفران کا اپنے چھوٹے بھائی راشد کے ساتھ کسی بات پر تنازع ہوا جس پر راشد مبینہ طور پر طیش میں آ گیا اور فائرنگ کر کے اپنے بڑے بھائی غفران کو ق ت ل کر دیا۔ واقعے کے بعد ملزم موقع سے فرار ہو گیا۔ اطلاع ملتے ہی ایس ایچ او تھانہ سمبڑیال سرمد فیاض پولیس نفری کے ہمراہ موقع پر پہنچ گئے اور شواہد اکٹھے کر کے ملزم کے خلاف مقدمہ درج کرکے ملزم کی گرفتاری کے لئے کارروائی شروع کر دی ہے۔