تاجروں کے لئے خوشخبری، حکومت نے دکانیں کھولنے کے اوقات کار بڑھا دئیے

اسلام آباد:نائب وزیراعظم ووزیرخارجہ سینیٹر محمد اسحاق ڈار کی زیرصدارت کفایت شعاری کے اقدامات کی نگرانی اور ان پر عملدرآمد کے لیے قائم کمیٹی کا ایک اجلاس منعقد ہوا۔
کمرشل مارکیٹوں کے بند ہونے کے اوقات کے تناظر میں کمیٹی نے جاری کفایت شعاری کے اقدامات کا جائزہ لیا۔ طویل دن اور گرمیوں کے شدید درجہ حرارت کو مد نظر رکھتے ہوئے مارکیٹیں بند کرنے کے اوقات میں توسیع کا فیصلہ کیا گیا ہے۔
دکانیں، بازار، شاپنگ مالز اور جنرل ریٹیل: رات 9:00 بجے،ریسٹورنٹس، کیفے اور کھانے پینے کے مراکز: رات 11:00 بجے (ٹیک اوے اور ہوم ڈیلیوری سروسز کو اس سے استثنیٰ حاصل ہوگا)۔
شادی ہالز اور تقریبات کے مقامات: رات 10:00 بجے (ان کے اوقاتِ کار میں کوئی تبدیلی نہیں کی گئی)
لازمی خدمات (فارمیسیز، ہسپتال، پٹرول پمپس، آئی ٹی اور ٹیلی کام سے متعلقہ خدمات) مکمل استثنیٰ حاصل رہے گا۔
کمرشل اوقات کے علاوہ کمیٹی نے ایجنڈے پر موجود دیگر امور اور کیسز پر بھی غور کیا اور ان کی منظوری دی۔ کمیٹی نے صوبائی حکومتوں کو یہ ہدایت بھی جاری کی کہ وہ وفاقی حکام کے ساتھ مل کر ان تمام رہنما خطوط پر مؤثر عملدرآمد کو یقینی بنائیں۔
اجلاس میں وفاقی وزراء برائے پٹرولیم، موسمیاتی تبدیلی، انفارمیشن، اور آئی ٹی و ٹیلی کام سمیت وزیراعظم کے معاونین خصوصی ، سیکرٹریز اور صوبائی حکومتوں کے اعلیٰ حکام بھی اجلاس میں شرکت کی۔