اساتذہ کی وقت سے پہلے ریٹائرمنٹ پالیسی تیار، گولڈن ہینڈ شیک ملے گا

کراچی :محکمہ تعلیم سندھ نے سکولوں کیلئے سخت پالیسی تیار کرلی۔
نجی ٹی وی سما نیوز کے مطابق پرانے اساتذہ کو گولڈن ہینڈ شیک دیکر ارلی ریٹائرمنٹ دی جائے گی۔ جن سکولوں میں اساتذہ کی تعداد زیادہ اور طلبہ کی تعداد کم ہوگی ،ان پر فیصلہ لاگو ہوگا۔
وزیر تعلیم سردار شاہ کے مطابق اساتذہ اور طلبہ کی چہرے کی شناخت مکمل ہونے کے بعد درست تعداد کا پتہ چلے گا۔ نشاندہی ہونے پر اضافی اساتذہ کے پاس رضاکارانہ طور پر گولڈن ہینڈ شیک لیکر گھر بیٹھنے کا ہی آپشن ہوگا۔
وزیرتعلیم نے کہا کہ نچلے درجے کے عملے چوکیدار مالی اور نائب قاصد کی بھرتی کے اختیارات بھی ہیڈ ماسٹر کو منتقل کئے جائیں گے۔ ماضی میں اضافی بھرتیوں کا بوجھ ڈپارٹمنٹ کو اٹھانا پڑ رہا ہے۔ اضافی اساتذہ و ملازمین کو کم کرنے سے بجٹ پر بھی فرق پڑیگا۔