ٹنڈوالہیار رپورٹ تیمور رضا قائم خانی
ایڈیشنل ڈپٹی کمشنر ون آصف علی خاصخیلی کی زیر صدارت ڈپٹی کمشنر آفس میں غیر قانونی غیر ملکیوں کی وطن واپسی کے منصوبے (غیر قانونی غیر ملکیوں کی واپسی کا منصوبہ) کے حوالے سے ایک اہم اجلاس منعقد ہوا۔اجلاس میں ایس ایس پی ٹنڈوالہیار سید سلیم شاہ، نادرا، خفیہ اداروں سمیت دیگر متعلقہ محکموں کے افسران نے شرکت کی۔ اجلاس میں ضلع بھر میں غیر قانونی طور پر مقیم غیر ملکی افراد کے خلاف جاری اقدامات، ریکارڈ کی جانچ پڑتال، نگرانی کے نظام اور وطن واپسی کے عمل کا تفصیلی جائزہ لیا گیا۔اجلاس کے دوران اس بات پر زور دیا گیا کہ تمام متعلقہ ادارے باہمی رابطے اور تعاون کو مزید مؤثر بنائیں تاکہ حکومتی پالیسی اور قانونی تقاضوں کے مطابق غیر قانونی غیر ملکیوں کی واپسی کے عمل کو شفاف اور منظم انداز میں مکمل کیا جاسکے ایڈیشنل ڈپٹی کمشنر ون آصف علی خاصخیلی نے اجلاس سے خطاب کرتے ہوئے کہا کہ تمام ادارے تازہ ترین معلومات، درست ریکارڈ اور پیش رفت رپورٹس کی بروقت فراہمی کو یقینی بنائیں۔