اسلام آباد+ لاہور: دارالحکومت اسلام آباد اور صوبہ پنجاب میں ایک بار پھر ’توانائی بچت مہم‘ کے تحت سمارٹ لاک ڈاؤن نافذ کر دیا گیا ہے۔
پیر کو ایکس پر ڈی سی اسلام آباد کی جانب سے کی گئی پوسٹ میں بتایا گیا ہے کہ بندشیں آج یکم جون سے لاگو ہوں گی، اس میں دکانوں کو رات آٹھ بجے بند کرنے کا کہا گیا ہے جبکہ ہوٹلوں اور ریسٹورنٹس کو رات 10 بند کرنے کی ہدایت کی گئی ہے۔
ریستورانوں کے ضمن میں یہ وضاحت بھی کی گئی ہے کہ ہوم ڈیلیوری اور ٹیک اوے سروسز پر کوئی پابندی نہیں ہو گی۔
The District Administration Islamabad has enforced revised business operating hours under ongoing austerity measures, effective today (1 June 2026). Markets, shops and shopping malls will close at 8:00 PM, while restaurants, grocery stores, bakeries and other food outlets will… pic.twitter.com/gzTvUbwYlW
— DC Islamabad (@dcislamabad) June 1, 2026
اعلامیے میں شادی ہالز اور دوسرے کاروباری اداروں کے حوالے بھی بتایا گیا کہ ان کا بھی رات 10 بجے بند کرنا ضروری ہو گا۔
نوٹیفکیشن میں کچھ مقامات کو پابندیوں سے مستثنیٰ بھی قرار دیا گیا ہے جن میں میڈیکل سٹورز، پیٹرول پمپس، سی این جی سٹیشنز، دودھ دہی کی دکانیں، جم، کھیلوں کی سرگرمیاں شامل ہیں۔
متن میں بھی کہا گیا ہے کہ مذکورہ سمارٹ ڈاؤن حکام کی جانب سے اگلی اطلاعات آنے تک برقرار رہے گا۔پنجاب حکومت کی جانب سے چند روز پیشتر سمارٹ لاک ڈاؤن ختم کرنے کا اعلان کیا تھا تاہم آج بندشوں سے استثنیٰ کا آخری دن ہے اور منگل سے ایک بار پھر پرانا سلسلہ بحال ہو جائے گا۔
خیال رہے ایران پر امریکہ اور اسرائیل کے حملوں کے بعد چھڑنے والی جنگ اور آبنائے ہرمز کی بندش کے بعد تیل کی قیمتوں میں بڑا اضافہ سامنے آیا جس پر مارچ کے دوران کفایت شعاری مہم کا آغاز کیا گیا تھا، جس کے تحت ہفتے میں تین چھٹیوں جمعہ، ہفتہ اور اتوار کا اعلان کیا گیا جبکہ عملے کو ورک فراہم ہوم کی سہولت بھی دی گئی۔