ملتان بیوروچیف (ملتان مہر آصف کی رپورٹ)ملتان کے علاقے نواب پور روڈ، دیوان کا باغ میں دل دہلا دینے والی واردات،گھر میں اکیلی موجود خاتون کو بے دردی سے تیز دھار آلے کے وار کر کے قتل کر دیا گیا۔ریسکیو حکام کے مطابق اطلاع ملتے ہی امدادی ٹیمیں موقع پر پہنچیں تو خاتون خون میں لت پت مردہ حالت میں موجود تھی۔ ابتدائی شواہد کے مطابق نامعلوم ملزمان نے خاتون کو انتہائی سفاکی سے نشانہ بنایا۔علاقہ مکینوں کا کہنا ہے کہ واردات ڈکیتی کے دوران مزاحمت پر پیش آئی، تاہم پولیس مختلف پہلوؤں پر تحقیقات کر رہی ہے۔ واقعے کے بعد علاقے میں خوف و ہراس پھیل گیا جبکہ اہل خانہ پر کہرام مچ گیا۔پولیس اور فرانزک ٹیموں نے موقع سے اہم شواہد اکٹھے کر لیے ہیں جبکہ لاش کو ضروری کارروائی کے لیے نشتر اسپتال منتقل کر دیا گیا ہے۔پولیس حکام کے مطابق ملزمان کی تلاش شروع کر دی گئی ہے اور جلد اہم پیش رفت متوقع ہے۔
