اسمگلنگ کی بڑی کوشش ناکام، جنگل پر ڈاکا ڈالنے والا عبدالشکور رکشہ چھوڑ کر فرار، لاکھوں کی سرکاری لکڑی برآمد

لیاقت پور(تحصیل رپورٹر)عباسیہ پلانٹیشن بلاک نمبر پانچ میں محکمہ جنگلات کی تاریخ کی بڑی اور سنسنی خیز کارروائی،سرکاری خزانے پر ڈاکا ڈالنے کی کوشش ناکام بناتے ہوئے سفیدے کی انمول لکڑی سے لدا رکشہ رنگے ہاتھوں پکڑ لیا گیا،تفصیلات کے مطابق فارسٹ انسپیکٹر محمد طارق اور رینجر محمد ہارون نے مخبر کی خفیہ اطلاع پر رات کی تاریکی میں لکڑی چوروں کا کمانڈو تعاقب کیا تو بدنام زمانہ عادی مجرم عبدالشکور ولد غلام رسول بلوچ ساکن چک 158 ڈی این بی اپنے تین خونخوار ساتھیوں سمیت کروڑوں کی لکڑی سے لدا رکشہ چھوڑ کر اندھیرے کا فائدہ اٹھاتے ہوئے ہکا بکا بھاگ کھڑا ہوا،فارسٹ رینجر محمد وقاص کی مدعیت میں درج تحریری درخواست کے سنسنی خیز متن کے مطابق ملزمان نے برجی نمبر 181، 182، 183 پر دھاوا بول کر 5 لاکھ 55 ہزار روپے مالیت کی قیمتی سرکاری لکڑی کا صفایا کیا جس میں سے 3 لاکھ 25 ہزار روپے کی لکڑی رکشہ سمیت تھانہ تبسم شہید کی تحویل میں دے دی گئی ہےا۔