تحصیل ہیڈکوارٹر ہسپتال احمد پور شرقیہ میں تین روزہ فری سکریننگ کیمپ لگا دیا گیا

احمد پور شرقیہ(نویدبلوچ سے) وزیراعلی ٰپنجاب کے ویژن کے تحت تحصیل ہیڈکوارٹر ہسپتال احمد پور شرقیہ میں تین روزہ فری سکریننگ کیمپ لگا دیا گیا۔ مریضوں کی فری سکریننگ کا عمل جاری ہے۔وی او۔۔ وزیراعلی پنجاب کے ویژن کے مطابق عوام کو ایک ہی چھت تلے معیاری طبی سہولیات کی فراہمی اور مختلف بیماریوں کی بروقت تشخیص کے لیے چیف ایگزیکٹیو آفیسر ہیلتھ ڈاکٹر ذیشان رف کی ہدایات پر تحصیل ہیڈکوارٹر ہسپتال احمد پور شرقیہ میں تین روزہ خصوصی سکریننگ کیمپ کا انعقاد کیا گیا ہے۔ کیمپ میں شہریوں کی بڑی تعداد شرکت کر رہی ہے جہاں مریضوں کو منظم انداز میں تمام سکریننگ سمیت طبی سہولیات فراہم کی جا رہی ہیں۔کیمپ میں آنے والے مریضوں کے لیے بہترین ویٹنگ ایریا قائم کیا گیا ہے جبکہ شدید گرمی کے پیش نظر پینے کے لیے صاف اور ٹھنڈے پانی کا خصوصی انتظام بھی کیا گیا ہے۔کیمپ میں مختلف بیماریوں کی تشخیص اور ابتدائی معائنہ کے لیے الگ الگ کانٹر قائم کیے گئے ہیں جہاں ڈاکٹرز اور طبی عملہ مریضوں کی سکریننگ میں مصروف ہیں۔