راولپنڈی / کوئٹہ: بلوچستان کے ضلع بارکھان میں سیکیورٹی فورسز نے دہشت گردوں کے خلاف مؤثر کارروائی کرتے ہوئے بھارت نواز تنظیم ‘فتنہ الہندوستان’ کے 7 دہشت گردوں کو جہنم واصل کر دیا، تاہم شدید فائرنگ کے تبادلے میں ایک میجر سمیت پاک فوج کے 5 بہادر سپوتوں نے جامِ شہادت نوش کیا۔
آئی ایس پی آر کے مطابق، 13 مئی 2026 کی صبح پاک فوج اور فرنٹیئر کور (FC) بلوچستان نے ضلع بارکھان کے علاقے نوشم میں دہشت گردوں کی موجودگی کی اطلاع پر سرچ آپریشن شروع کیا۔ دورانِ آپریشن سیکیورٹی فورسز کا سامنا دہشت گردوں کے ایک گروہ سے ہوا، جس کے بعد شدید فائرنگ کا تبادلہ ہوا۔
On the morning of 13 May 2026, troops of Pakistan Army and Frontier Corps Balochistan commenced an area sanitization operation at general area Nosham of Barkhan District to eliminate terrorists of Indian backed Fitna Al Hindustan.
During the operation, a group of terrorists was…
— DG ISPR (@OfficialDGISPR) May 13, 2026
کارروائی کے دوران بھارت کے حمایت یافتہ گروہ ‘فتنہ الہندوستان’ کے 7 دہشت گرد ہلاک کر دیے گئے۔ہلاک دہشت گردوں کے قبضے سے بھاری مقدار میں اسلحہ، گولہ بارود اور دھماکا خیز مواد برآمد کر لیا گیا ہے۔
دہشت گردوں کے ساتھ شدید جھڑپ کے دوران پاک فوج کے ایک فیلڈ آفیسر سمیت 5 جوانوں نے ملک و قوم کی خاطر اپنی جانوں کا نذرانہ پیش کیا۔ شہداء میں میجر توصیف احمد بھٹی: (عمر 31 سال، سکنہ ضلع پاکپتن)،نائیک فدا حسین: (عمر 36 سال، سکنہ ضلع سکھر)،سپاہی ذاکر حسین: (عمر 32 سال، سکنہ ضلع اسکردو)،سپاہی سہیل احمد: (عمر 21 سال، سکنہ ضلع خانیوال)،سپاہی محمد ایاز: (عمر 24 سال، سکنہ ضلع رحیم یار خان) شامل ہیں۔
سیکیورٹی فورسز کا کہنا ہے کہ مفرور دہشت گردوں کی تلاش کے لیے علاقے میں سرچ آپریشن تاحال جاری ہے۔ نیشنل ایکشن پلان کی ایپکس کمیٹی کی منظوری کے بعد، ویژن "عزمِ استحکام” کے تحت پاکستان سے غیر ملکی پشت پناہی رکھنے والے دہشت گردوں کے خاتمے تک یہ مہم پوری قوت کے ساتھ جاری رہے گی۔
سیکیورٹی فورسز اور قانون نافذ کرنے والے ادارے ملک سے دہشت گردی کی لعنت کو جڑ سے اکھاڑ پھینکنے کے لیے پرعزم ہیں اور شہداء کی یہ قربانیاں ہمارے حوصلوں کو مزید بلند کرتی ہیں۔