شہدادپور( رپورٹ عمران قمرسے )
معرکہ حق کی کامیابی اور پاک فوج کی بہادری کو خراجِ تحسین پیش کرنے کے لیے گورنمنٹ پروونشنلائزڈ ہائی اسکول کے اساتذہ اور طلبہ کی جانب سے ایک شاندار ریلی نکالی گئی۔ سینئر ہیڈ ماسٹر محمد سرور راجپوت، ٹی اے او رفیق آرائیں، ارشد خاصخیلی اور ریاض باگرانی کی قیادت میں نکالی جانے والی یہ ریلی پروونشنلائزڈ ہائی اسکول سے شروع ہو کر شہدادپور پریس کلب تک پہنچی۔ ریلی میں اسکول کے اساتذہ اور طلبہ کی بڑی تعداد نے شرکت کی، جن کے جوش و خروش سے فضا "پاک فوج زندہ باد” اور "پاکستان پائندہ باد” کے نعروں سے گونج اٹھی۔اس موقع پر ریلی کے شرکا اور قائدین نے معرکہ حق کے شہدا کو شاندار الفاظ میں خراجِ عقیدت پیش کیا۔