پنجاب میں ضلعی انتظامیہ کی کارکردگی کے حالیہ جائزے میں ضلع مری نے نمایاں برتری حاصل کرتے ہوئے پہلی پوزیشن اپنے نام کر لی ہے۔
اس کامیابی کا سہرا ڈپٹی کمشنر مری آغا ظہیر عباس شیرازی کے سر جاتا ہے، جن کی قیادت میں انتظامی امور میں بہتری، عوامی سہولیات کی فراہمی اور گورننس کے معیار کو نمایاں طور پر بہتر بنایا گیا۔
ذرائع کے مطابق مری میں بہترین کارکردگی کا ایک اہم ستون اسسٹنٹ کمشنر کوٹلی ستیاں تیمور عادل ہیں، جن کی پیشہ ورانہ مہارت اور متحرک اندازِ کار نے نہ صرف مقامی سطح پر بلکہ پورے راولپنڈی ڈویژن میں ایک مثال قائم کی ہے۔
بتایا جاتا ہے کہ دیگر اسسٹنٹ کمشنرز بھی ان سے کارکردگی بہتر بنانے کے طریقۂ کار سے رہنمائی حاصل کرتے ہیں۔ ذرائع کا کہنا ہے کہ آغا ظہیر عباس شیرازی اپنی میٹنگز میں اکثر تیمور عادل کی کارکردگی کو سراہتے ہیں اور اسے ٹیم ورک اور موثر انتظامی حکمتِ عملی کی بہترین مثال قرار دیتے ہیں۔ اس حوالے سے افسران میں بھی تجسس پایا جاتا ہے کہ کامیابی کا راز کیا ہے، جس پر تیمور عادل کا مؤقف سادہ مگر مؤثر ہے اپنا کام دیانت داری اور ذمہ داری سے انجام دیں، تاکہ نہ صرف اپنی بلکہ اپنے ادارے اور سینئرز کی عزت میں بھی اضافہ ہو۔