اڈیالہ جیل کے قریب نالے میں گر کر عمران خان کی بہن نورین نیازی زخمی

راولپنڈی:سابق وزیراعظم عمران خان کی ہمشیرہ نورین نیازی اڈیالہ جیل کے قریب زیر تعمیر نالہ میں گر کر زخمی ہوگئیں۔ تفصیلات کے مطابق بانی پی ٹی آئی عمران خان کی بہن نورین نیازی اور ان کے ساتھ ایک ساتھی کارکن زیرتعمیر نالےمیں گرگئیں، یہ حادثہ اڈیالہ جیل کے قریب دہگل ناکے پر پیش آیا جہاں عمران خان سے ملاقات کیلئے جاتے ہوئے روکے جانے پر نماز کیلئے جاتے وقت زیر تعمیر نالے کو کراس کرنے کی کوشش میں نورین نیازی پاؤں پھسلنے سے نالے گر کر زخمی ہوگئیں، آس پاس موجود لوگوں نے نالے میں اتر کر نورین نیازی کو ریسکیو کیا تاہم گرنے کی وجہ سے انہیں پاؤں اور ہاتھ پر چوٹیں آئیں۔