لاہور : پاکستان مسلم لیگ (ن) کے صدر محمد نواز شریف اور وزیراعلیٰ پنجاب مریم نواز شریف سے برٹش ہائی کمشنر جین میریٹ نے اہم ملاقات کی، جس میں باہمی دلچسپی کے امور، دوطرفہ تعلقات اور خطے کی مجموعی صورتحال پر تفصیلی تبادلہ خیال کیا گیا۔
ملاقات کے دوران برٹش ہائی کمشنر نے نواز شریف کی پاکستان کے لیے طویل اور گرانقدر سیاسی و سماجی خدمات کو سراہا۔ انہوں نے دونوں ممالک کے درمیان تعلقات کو مزید مستحکم کرنے میں ن لیگ کی قیادت کے کردار کی اہمیت پر زور دیا۔
جین میریٹ نے وزیراعلیٰ مریم نواز شریف کے زیرِ قیادت پنجاب میں جاری فلاحی اور ترقیاتی منصوبوں کو قابلِ تحسین قرار دیا۔
برٹش ہائی کمشنر نے لاہور میں بسنت منانے کو ایک بہترین تجربہ قرار دیا۔