لاہور: پورے پچیس برس کے طویل انتظار کے بعد لاہور کی فضائیں ایک بار پھر رنگ برنگی پتنگوں سے سج گئی ہیں۔ وزیراعلیٰ پنجاب مریم نواز شریف نے بسنت کے اس روایتی اور ثقافتی میلے کی بحالی پر شہریوں کو مبارکباد دیتے ہوئے اسے ‘رنگوں، ثقافت اور بھائی چارے کا جشن’ قرار دیا ہے۔
وزیراعلیٰ مریم نواز کا خصوصی پیغام
وزیراعلیٰ مریم نواز نے اپنے پیغام میں کہا کہ بسنت لاہور کی روح اور اس کی قدیم ثقافت کا حصہ ہے۔ ان کا کہنا تھا:
””ہم چاہتے ہیں کہ شہری اس جشن سے بھرپور لطف اٹھائیں، لیکن ہماری اولین ترجیح انسانی جانوں کا تحفظ ہے۔ آئیے مل کر اس بسنت کو سب کے لیے محفوظ بنائیں۔“”
Kites return to the skies of Lahore as Basant comes alive again after 25 years! A celebration of culture, colour, and community! Let’s enjoy the festivities together responsibly, follow all safety SOPs, and make this Basant safe for everyone ❤️ pic.twitter.com/0Ysvq2bY4O
— Maryam Nawaz Sharif (@MaryamNSharif) February 5, 2026
وزیراعلیٰ نے شہریوں پر زور دیا کہ وہ جشن مناتے وقت اپنی اور دوسروں کی حفاظت کا خاص خیال رکھیں:
موٹر سائیکل سواروں کے لیے حفاظتی وائر/راڈ کا استعمال لازمی قرار دیا گیا ہے۔
کیمیکل ڈور، دھاتی تار اور ہوائی فائرنگ پر مکمل پابندی ہے، اور خلاف ورزی کرنے والوں کے خلاف سخت قانونی کارروائی کی جائے گی۔
مریم نواز نے والدین اور بزرگوں سے اپیل کی کہ وہ بچوں کو خطرناک ڈور سے دور رکھیں تاکہ یہ خوشی کسی دکھ میں نہ بدلے۔
Bhatti Gate 🪁 pic.twitter.com/vw56KpJvvT
— Maryam Nawaz Sharif (@MaryamNSharif) February 5, 2026
25 سال بعد بسنت کی واپسی نے نہ صرف شہریوں کے چہروں پر مسکراہٹیں بکھیر دی ہیں بلکہ اس سے سیاحت اور مقامی کاروبار کو بھی نئی زندگی ملی ہے۔ لاہور کے در و دیوار ‘بو کاٹا’ کی صداؤں سے گونج رہے ہیں، جس نے ایک بار پھر ثابت کر دیا ہے کہ زندہ دلانِ لاہور اپنی روایات کو کبھی نہیں بھولتے۔