ممبئی :بھارتی ریئلٹی شو بگ باس کے انیسویں سیزن ‘بگ باس 19’ کے گرینڈ فائنل میں، گورو کھنہ نے بگ باس ٹرافی جیتی۔ اداکار، جو ’انوپما‘ جیسے متعدد شوز میں نظر آ چکے ہیں، ٹیلی ویژن انڈسٹری کی ایک ممتاز شخصیت ہیں، اور ان کے مداحوں نے انہیں مستحق تسلیم کیا اور انہیں فاتح منتخب کیا۔
ٹاپ ٹو میں پہنچنے کے بعد، انہوں نے اپنی گھبراہٹ کا اظہار کیا، لیکن ان کے مداحوں نے جوش و خروش سے ووٹ دیا، جس سے انہیں انعامی رقم اور ٹرافی دونوں مل گئیں۔ بگ باس 19 کا فاتح بننے پر سلمان خان نے گورو کھنہ کو ایک شاندار ٹرافی پیش کی۔ شو کے بنانے والوں کی طرف سے انہیں 50 لاکھ روپے کی انعامی رقم سے بھی نوازا گیا۔ فرحانہ بھٹ نے بگ باس سیزن 19 کے ٹاپ ٹو میں بھی جگہ بنائی۔ تاہم، وہ تاج جیتنے میں ناکام رہیں۔ وہ فائنل میں رنر اپ کے طور پررہیں۔
یہ سیزن 24 اگست کو 18 شرکا کے ساتھ شروع ہوا تھا اور تین ماہ تک گھر میں ہونے والی تلخیاں، دوستیوں، چیلنجز اور حکمتِ عملی پر مبنی فیصلوں نے شائقین کو مسلسل جوڑے رکھا۔ جیسے جیسے مقابلہ آگے بڑھتا گیا، ہر ہفتے نئے تنازعات اور بدلتے رشتوں نے شو کو موضوعِ بحث بنائے رکھا۔
گورَو کھنّہ نے ابتدا میں خاموش اور محتاط رویہ اختیار کیا، جس کے باعث انہیں کمزور سمجھا گیا، مگر وقت کے ساتھ ان کی متوازن سوچ اور اہم ٹاسک میں مؤثر حکمتِ عملی نے انہیں مضبوط امیدوار کے طور پر ابھارا۔ فائنل میں شاندار کارکردگی کے بعد وہ نہ صرف فاتح قرار پائے بلکہ 50 لاکھ روپے کی انعامی رقم بھی حاصل کی۔
فرحانہ بھٹ نے بھی سیزن کے دوران اپنی محنت، جوش اور پُراعتمادی سے ناظرین کی توجہ حاصل کیے رکھی۔ اگرچہ وہ ٹرافی جیتنے سے تھوڑے سے فرق سے محروم رہیں، مگر اپنے انداز اور ہمت کے باعث وہ شائقین کے دلوں میں جگہ بنانے میں کامیاب رہیں۔
بگ باس 19 کے فائنل کے موقع پر ایک جزباتی موقع بھی آیا جب سلمان خان نے بولی ووڈ لیجنڈ دھرمیندر کو خراجِ تحسین پیش کیا اور ریئلٹی شو سے جڑی اپنی یادیں حاضرین کے ساتھ شیئر کیں۔ سلمان خان ان کے ساتھ گزارے دنوں کو یاد کرکے آنکھوں میں نمی لیے کہا کہ میرے لیے ایک ہیرو ہے، اور وہ ہیں دھرمیندر۔ انہوں نے مزید کہا کہ دھرمیندر نے اینٹرٹینمنٹ کو 60 سال دیے اور میں نے اپنی زندگی میں ہمیشہ ان کی تقلید کی۔ دھرمیندر اکثر سلمان خان کو اپنا بیٹا کہتے تھے اور پیار سے کہتے تھے کہ تم بالکل میری طرح ہو۔