اسلام آباد :وفاقی وزیر داخلہ محسن نقوی سے چین کے سفیر جیان زیڈونگ نے یہاں ملاقات کی جس میں پاک چین دوطرفہ تعلقات اور باہمی دلچسپی کے امور پر تبادلہ خیال کیا گیا۔
یہاں جاری بیان کے مطابق چین کے سفیر نے اسلام آباد میں خودکش حملے کی مذمت کی ۔چینی سفیر نے سانحہ میں قیمتی جانوں کے ضیاع پر اظہارِ تعزیت کرتے ہوئے کہا کہ چین کی وزارتِ خارجہ کے ترجمان نے بھی اس واقعہ کی مذمت کی ہے۔
ملاقات میں انسداد دہشت گردی اور سکیورٹی تعاون مزید مضبوط بنانے پر اتفاق کیا گیا۔وزیر داخلہ نے کہا کہ پاک چین تعلقات باہمی اعتماد و احترام پر مبنی ہیں۔چین پاکستان کا وہ بااعتماد دوست ہے جس نے ہر مشکل وقت میں ساتھ دیا ہے۔محسن نقوی نے کہا کہ پاکستان دہشتگردی سے سب سے زیادہ متاثر ملک ہے۔