بہاولپور:بہاولپور، علی پور اور لودھراں میں سیلاب سے متاثرہ علاقوں میں پاک فوج اور سول انتظامیہ کی امدادی کارروائیاں جاری ہیں۔
دریائے ستلج کے نزدیک متاثرین کے لیے ریسکیو اور ریلیف آپریشنز تیزی سے چل رہے ہیں، جہاں پاک فوج نے فری میڈیکل کیمپس بھی قائم کیے ہیں اور علاج و ادویات فراہم کر رہی ہے۔
کمانڈر بہاولپور کور نے سیلاب متاثرین کی بحالی اور طبی امداد کا جائزہ لیا اور کہا کہ افواج پاکستان مکمل تعاون جاری رکھے گی۔پاک فوج کے اہلکار متاثرین کو محفوظ مقامات پر منتقل کرنے اور ان کی ہر ممکن مدد میں مصروف ہیں، اور مختلف محکمے مل کر فوری امداد فراہم کر رہے ہیں تاکہ متاثرہ علاقوں کی حالت بہتر بنائی جا سکے۔