لاہور سمیت مختلف اضلاع کے دریاؤں میں سیلابی صورتحال، پنجاب پولیس کا نان سٹاپ ریسکیو اینڈ ریلیف آپریشن جاری ہے، ترجمان پنجاب پولیس کے مطابق پنجاب پولیس کی طرف سے ریسکیو کئے گئے سیلاب متاثرین کی تعداد 03 لاکھ 55 ہزار سے تجاوز کر گئی۔
پنجاب پولیس اب تک 01 لاکھ 38 ہزار 969 مردوں، 01 لاکھ 5 ہزار 509 خواتین، 01 لاکھ 10 ہزار 588 بچوں کو محفوظ مقامات تک منتقل کر چکی ہے جبکہ پنجاب پولیس نے سیلاب زدہ علاقوں میں پھنسے 04 لاکھ 75 ہزار 808 مویشیوں کو بھی محفوظ مقامات پر پہنچایا۔
لاہور سمیت سیلاب زدہ مختلف اضلاع میں 15 ہزار سے زائد پولیس افسران و اہلکار ریسکیو اینڈ ریلیف آپریشن میں مصروف ہیں۔سیلاب متاثرین کی محفوظ مقامات پر منتقلی کیلئے پنجاب پولیس کی 700 سے زائد گاڑیاں، 40 کشتیاں استعمال کی جارہی ہیں۔
آئی جی پنجاب نے ا لاہور سمیت سیلاب زدہ علاقوں میں شہریوں کا انخلا، ریسکیو اینڈ ریلیف اینڈ سرگرمیاں جاری رکھنے کا حکم جاری کرتے ہوئے کہا ہے کہ انخلا والے علاقوں میں شہریوں کی املاک کے تحفظ کیلئے سکیورٹی اور پٹرولنگ بڑھا دی جائے۔ریلیف کیمپوں میں پناہ گزین متاثرہ افراد کو بھرپور سکیورٹی، خوراک، ضروریات زندگی فراہم کی جائے۔
آئی جی پنجاب ڈاکٹر عثمان انور کا مزید کہنا تھا کہ پی ڈی ایم اے سمیت ضلعی انتظامیہ، ریسکیو، سکیورٹی اداروں کے ساتھ مسلسل رابطے میں رہیں اوردریاؤں کے کنارے آباد دیہات، آبادیوں میں پولیس کی پٹرولنگ باقاعدگی سے جاری رکھی جائے،۔