سرگودھا (راجہ نورالٰہی عاطف سے)
علووالی کے قابلِ فخر سپوت ملک محمد شاہد اقبال دھروئی کو ایس ڈی او پیرا میانوالی تعینات کر دیا گیا ہے۔ ان کی تعیناتی پر عوامی، سماجی، تعلیمی، ادبی اور صحافتی حلقوں کی جانب سے خوشی کا اظہار کرتے ہوئے انہیں مبارکباد پیش کی گئی اور نئی ذمہ داریوں میں کامیابی کے لیے نیک خواہشات کا اظہار کیا گیا ہے۔ملک محمد شاہد اقبال دھروئی ایک ہردلعزیز شخصیت کے مالک ہیں اور اپنے پیشہ ورانہ تجربے، محنت اور صلاحیتوں کی بدولت مختلف اہم عہدوں پر خدمات انجام دے چکے ہیں۔ وہ اس سے قبل ایس ڈی او پیرا بھکر کے طور پر فرائض سرانجام دے رہے تھے، جبکہ تحصیلدار عیسیٰ خیل، ضلع میانوالی کے عہدے پر بھی خدمات انجام دے چکے ہیں۔ اس سے قبل ضلع خوشاب سمیت دیگر علاقوں میں بھی مختلف انتظامی ذمہ داریاں نبھا چکے ہیں۔