ٹیکساس / واشنگٹن:ٹیکنالوجی کی دنیا کی معروف ترین الیکٹرک گاڑی ساز کمپنی ’ٹیسلا‘ نے اپنی انتہائی منتظر نئی جنریشن ’روڈسٹر‘ (Roadster) کی رونمائی کے دوران ایک ایسا حیرت انگیز مظاہرہ کیا جس نے دیکھنے والوں کے ہوش اڑا دیے۔
امریکا میں ہونے والی اس تقریب میں اس سپورٹس کار نے نہ صرف سڑک پر بلکہ فضا میں اور الٹے رخ پر چل کر سائنس فکشن فلموں کے مناظر کو حقیقت میں بدل دیا۔
OMG… the Tesla Roadster just went upside down on a half pipe and landed! https://t.co/RK70RHeP5V
— Teslaconomics (@Teslaconomics) October 16, 2026
فین سکشن اور 2G طاقت کا کمال
ٹیسلا کے وہیکل انجینئرنگ کے سربراہ لارس موراوی (Lars Moravy) کے مطابق، نئی روڈسٹر میں ایک جدید ترین فین سکشن سسٹم (Fan-suction system) نصب کیا گیا ہے جو گاڑی کے نیچے اتنی طاقتور خلاء (Suction) پیدا کرتا ہے کہ یہ گاڑی 2G تک کی طاقت کے ساتھ الٹی سطح پر بھی خود کو محفوظ طریقے سے چپکا سکتی ہے۔
مظاہرے کے دوران گاڑی کو پہلے ہی ایک الٹے ریمپ پر الٹا چپکا ہوا دکھایا گیا، جہاں پنکھے کے نظام نے اسے بغیر گرے زمین سے جکڑے رکھا
ااس گاڑی کی سب سے بڑی خصوصیت اس میں شامل اسپیس ایکس (SpaceX) کی خلائی ٹیکنالوجی ہے۔ ایلون مسک کی دونوں کمپنیوں کے اشتراک سے اس میں کمپریسڈ ہوا اور کولڈ گیس تھرسٹرز (Cold-gas thrusters) نصب کیے گئے ہیں۔
ریمپ سے آزا د ہوتے ہی اس گاڑی نے فضا میں اڑان بھرتے ہوئے ہوا میں قلابازی (Flip) کھائی۔ کار میں نصب 10 تھرسٹرز اور کمپریسڈ ایئر ٹینکس نے اسے ہوا میں توازن برقرار رکھنے اور بحفاظت زمین پر اترنے میں مدد دی
ایلون مسک نے اس موقع پر دعویٰ کیا کہ یہ دنیا کی تیز ترین پروڈکشن کار ہوگی جو صفر سے 60 میل فی گھنٹہ کی رفتار انتہائی کم وقت میں طے کرنے کی صلاحیت رکھتی ہے۔ تاہم آٹوموبائل ماہرین کا کہنا ہے کہ اگرچہ روڈسٹر کا یہ اڑنے والا اور الٹا چلنے والا اسٹنٹ ایک انتہائی سنسنی خیز تکنیکی کارنامہ ہے، لیکن عام سڑکوں پر اس کے قانونی استعمال اور پیداوار کے حوالے سے ابھی حتمی ضابطے طے ہونا باقی ہیں۔ ٹیسلا کی یہ نئی شاہکار گاڑی آٹوموبائل انڈسٹری میں ایک نئے انقلاب کی علامت سمجھی جا رہی ہے۔