ریپ کے جھوٹے مقدمات درج کرانے والوں کے خلاف سخت کارروائی کا فیصلہ

  ڈی آئی جی اسلام آباد علی وسیم نے اینٹی ریپ ایکٹ کے تحت اہم فیصلہ کرتے ہوئے ریپ کے جھوٹے مقدمات درج کرانے والوں کے خلاف سخت قانونی کارروائی کا حکم دے دیا ہے۔ اس سلسلے میں ابتدائی طور پر 7 کیسز کے مدعیان اور گواہان کے خلاف مقدمات درج کرنے کی ہدایت کی گئی ہے۔ بڑی رقوم کے عوض ملزمان کے حق میں بیانات دے کر مقدمات خارج کروانے اور ذاتی مفادات کے لیے قانون کا ناجائز استعمال کرنے والوں کے خلاف فوری قانونی عمل شروع ہوگا۔حقیقی متاثرین کو انصاف فراہم کرنا اور خواتین سمیت تمام شہریوں کے حقوق کا تحفظ اسلام آباد پولیس کی اولین ترجیح ہے۔