خوشاب (راجہ نورالہی عاطف سے)
وزیراعلیٰ پنجاب مریم نواز شریف کے "خوشاب بیوٹیفکیشن پراجیکٹ” کے پہلے مرحلے کی کامیابی سے تکمیل پر ایک پروقار افتتاحی تقریب کا انعقاد کیا گیا۔تقریب میں صدر پاکستان مسلم لیگ (ن) ضلع خوشاب و سابق سینیٹر ڈاکٹر غوث محمد خان نیازی، سابق صوبائی وزیر و رکنِ صوبائی اسمبلی (ایم پی اے) ملک محمد آصف بھاء، ڈپٹی کمشنر خوشاب جہانزیب حسین لابر اور اے ڈی سی جی زریاب ساجد کمبو نے بالخصوص شرکت کی۔تقریب کے دوران ایم پی اے ملک محمد آصف بھاء نے منصوبے کی تختی کی نقاب کشائی کر کے باقاعدہ افتتاح کیا۔ اس موقع پر علاقائی و سیاسی نمائندہ شخصیات اور انتظامی افسران کی کثیر تعداد موجود تھی۔