پاکستان کا سسٹم ری سیٹ ہونیوالا ہے، چیزیں بہتر ہونے لگیں گی، محسن نقوی وزیر داخلہ

وفاقی وزیر داخلہ محسن نقوی نے کہا ہے کہ ملک کا سسٹم ری سیٹ ہونے والا ہے، سسٹم ری سیٹ ہوگا تو چیزیں بہتر ہونے لگیں گی، ایسا بزنس پاسپورٹ لائیں گے جس سے تاجروں کو ویزہ کا کوئی مسئلہ نہیں رہے گا۔ وزیر داخلہ محسن نقوی نے لاہور چیمبر کی تقریب سے خطاب کرتے ہوئے کہا کہ ہمیں پابندیوں کا شکار ممالک سے سیکھنا چاہئے، اگرا یرانی اپنی ہر چیز خود بنا سکتے ہیں تو ہم بھی بنا سکتے ہیں، حل یہ ہی ہے کہ کسی نہ کسی طریقے سے ایکسپورٹ بڑھائیں۔
جہاں بھی آپ کو ضرورت ہے میں 24 گھنٹے حاضر ہوں ۔ محسن نقوی نے کہا کہ پہلے بھی جس حدتک ممکن ہوا آپ کے مسائل حل کروائے۔ مذاکرات کی وجہ سے ایران کے کافی دورے کئے ، سمجھا جاتا تھا کہ ایران تباہ حال ہوگا لیکن واپس آنے والے حیران ہوئے۔داخلہ محسن نقوی نے نومنتخب ممبران کو مبارکباد دیتے ہوئے کہاکہ گوہر اعجاز نے ابھی جو باتیں کی ہیں، ان کا حل یہی ہے کہ کسی نہ کسی طریقے سے ملکی برآمدات بڑھائی جائیں،انہوں خود حکومت میں رہ کر دیکھ چکے ہیں کہ اہداف حاصل کرنا پڑتے ہیں۔
انہوں نے کہا کہ انہوں نے گزشتہ تین چار ماہ کے دوران ایران کے متعدد دورے کیے، ایران کے بارے میں پہلے سمجھا جاتا تھا کہ وہ تباہ حال ہوگا، تاہم وہاں سے واپس آنے والے لوگ حیران ہوئے، ایران میں کنسٹرکشن، آٹو انڈسٹری سمیت مختلف شعبوں میں مصنوعات ملک کے اندر تیار کی جا رہی ہیں۔وفاقی وزیر داخلہ نے سوال اٹھایا کہ اگر ایران اپنے ملک میں ہر چیز بنا سکتا ہے تو پاکستان ایسا کیوں نہیں کر سکتا ہمیں دوسرے ممالک سے سیکھنا چاہیے۔
انہوں نے کہا کہ ملکی برآمدات بڑھانے کے لیے عملی منصوبہ بنانا ہوگا۔محسن نقوی نے کہا کہ وہ لاہور چیمبر کے تمام مسائل حل کرنے کے لیے تیار ہیں اور جہاں بھی ان کی ضرورت ہوگی، وہ 24 گھنٹے حاضر ہوں گے، پہلے بھی جہاں تک ممکن ہوا، تاجروں کے مسائل حل کرنے کی کوشش کی گئی۔انہوں نے بتایا کہ حکومت گزشتہ چند ماہ سے بزنس پاسپورٹ پر کام کر رہی ہے، تاجروں کو ویزوں کے حصول میں درپیش مسائل کے حوالے سے تمام متعلقہ سفارت خانوں کو متوجہ کیا گیا ہے، امید ہے کہ بزنس پاسپورٹ کا منصوبہ وزیراعظم کے سامنے پیش کیا جائے گا اور تاجروں کو اس حوالے سے مشکلات کا سامنا نہیں ہوگا۔